0
هذه القصيدة كانت أول تجاربي الشعرية كقصيدة مكتمله
كتبتها و أنا أدرس بالصف الأول ثانوي ( علمي طبعا خخخخخ)
طبعا منها اقتبست اسمي الشعري <نديم البدر> ، واليوم أجيء بها هنا لأني وعدتكم بنشرها سابقا
و وعدت حبيبي "نـاصـر"
بأن أهديها لهفإليكموها:
يا بدر ياللي ليلتك مستنيره..
..نوّرت غرب و شرق و إجنوب و إشمال
يا بدر دامك ساطع بكل ديره..
..بأوصيك ، عقب البدر لا تعوّد هلال
الشمس لا شافتك تنهار ، غيرة
..والنجم ودّه ياخذ النور ، في الحال
و الناس نورك ودها تستعيره..
..كلما شافتك وسط الكون تختال
لو تخسف ؛ تراها بحقّك كبيره ..
..و لو يطلع الصبح ؛ عمر الصبح ما طال
و لو تختفي بالكون وقت الظهيره..
..غصبن تجي بالليل ، و الصدق ينقال
و إن غبت يا بدر البدور المنيره..
..مانيب ألومك ، لا ، ترى اللوم بطـّال
وشلون ألوم البدر و أنا أسيره؟..
..و من دونه دموعي على الخد تنهال
هذا البدر ، مالي أبد بدر غيره..
..و إن غاب تبقى ذكرياته على البال
و سلامتكم ...
