عدد ردود الموضوع : 20

[Evil Angel]

بسم الله الرحمن الرحيم ..

أخواني وأخواتي  زي ما تكلمنا عن دورة "إحنا نعلمنا" لأحسن وأجمل وأمثل تعليم

انو نعلم بعض وهذي أول حلقة من سلسلات متعددة بتفاعلكم معنا << افهموها يعني خخخخخ  

طبعا حديثنا رح يكون عن تطوير الوب أو برمجة الوب أوتصميم المواقع أو أو أو << تعددت الأسماء والوب واحد.  

قبل ما نبدأ في أي شيء خلينا نشرح السالفة اللي بنسويها ونعرف اش معنى برمجة او تطوير المواقع ..

طبعا كثير من الناس أول مايدخل موقع يبغى يتعلم برمجة يقرا مصفوفات , متغيرات , لوغارتميات , خوارزميات ينقلب وجهه كانه شاف بعبع    وعلى طول على اقرب رابط يوديه لقوقل ولا ليوتيوب ..

انبسطوا    مارح أقول الأشياء هذي.

اول شيء عندي تشبيه بسيط للي حنسويه واللي يصير في عالم تطوير الوب بمثال بسيط:

أنا ألحين سادح ومنقعر انقعارا عظيما على السرير وأبغى أفتح الطاقة أو الدريشة أو النافذة لاني حران (في رواية أشعر بالحر) .. طبعا بالعربي الفصيح بقوم وافتح الطاقة  . لكن لو ابغى برنامج يحركني يوديني افتحها إذا شعرت بالحر بيكون البرنامج كالتالي:

إقتباس

المكان: غرفة نوم. الطول: 4 متر. العرض: 6 متر. اللون أبيض. نافذة واحدة. ستارة على النافذة.
عبدالرحيم سادح السرير.
إذا كانت (درجة الحرارة > 25 درجة مئوية)
{
خل عبدالرحيم ينزل من السرير الله لا يهينه;
خل عبدالرحيم يمشي إلى النافذة;
خل عبدالرحيم يمد يده ;
خل عبدالرحيم يفتح الطاقة;
خل عبدالرحيم ياخذ لفة;
خل عبدالرحيم يمشي إلى السرير;
خل عبدالرحيم ينقعر على السرير;
}
إذا كانت غير ذلك
خل عبدالرحيم منقعر براحته;

شايفين كيف ؟؟ سهلة صح ؟؟ << اللي يقول صعبة ياويله  

هذا اللي راح اسمه خوارزمية خخخخخ << يووووه نسيت اني وعدتكم ماجيب الألفاظ هذي  

انا حاولت بقدر الإمكان أقرب لموضوعنا اللي هو تطوير الوب فالجزء الأول من المثال اللي هو:

إقتباس

المكان: غرفة نوم. الطول: 4 متر. العرض: 6 متر. اللون أبيض. نافذة واحدة. ستارة على النافذة.
عبدالرحيم سادح السرير.

يشبه الـ HTML واللي بنتكلم عنها في الدرس الجاي إن شاء الله..

والجزء الثاني اللي هو :

إقتباس

إذا كانت (درجة الحرارة > 25 درجة مئوية)
{
خل عبدالرحيم ينزل من السرير الله لا يهينه;
خل عبدالرحيم يمشي إلى النافذة;
خل عبدالرحيم يمد يده ;
خل عبدالرحيم يفتح الطاقة;
خل عبدالرحيم يدور;
خل عبدالرحيم يمشي إلى السرير;
خل عبدالرحيم ينقعر على السرير;
}
إذا كانت غير ذلك
خل عبدالرحيم منقعر براحته;

يشبه الـ PHP واللي بنتكلم عنه في المراحل المتقدمة إن شاء الله ..

في بعض الأحيان تظهر لك مشاكل في الكود تضطر انك ترجع تصلحها ..

في المثال السابق فلنفرض ان الطاقة كانت مقفلة أو ان في وسط الغرفة كان فيه طاولة ترجع تصلح الكود على حسب الأخطاء اللي عندك واللي واجهتها تفتح الزر حق الطاقة أو تشوت الطاولة من طريقك وهكذا ..

وعشان ما تتحطمون مافي مبرمج في العالم يسوي برنامج او كود ويضبط معاه على طول لازم يختبره وتطلع له أخطاء ويصلحها ..

مثلا مايكروسوفت اللعينة    على ضخامتها وراس مالها وعدد مبرمجيها تصدر نسخ Alpha و Beta لتجرب من قبل المستخدمين ليكتشفوا الأخطاء والمشاكل ويقوموا بحلها..


انتهى درسنا اليوم ياشطار ياحلوين .. وعشان اشوف انتوا فاهمين ولا لا بأسألكم تجهزوا << بالله ذكركم بمين  

أمزح مافي أسئلة لكن بطلبكم تحضروا للدرس الجاي انكم تحملوا برنامج خفيف لزيز واحسن برنامج تعديل أكواد لتطوير وبرمجة الوب اسمه Notepad++ وهذا الرابط حقه:

http://sourceforge.n...pad-plus/files/

(ملاحظة: أي برنامج تعديل نصوص يكفي حتى المفكرة ولكن لضمان الإستفادة القصوى ولأن البرنامج سهل ويسهل عملك كمبرمج أتمنى تحملوه)

ياريت اللي حمله يذكر في رد انه حمله لكي نرى التفاعل والمشاركين معنا..




(ماذكر كله كلامي ومجهودي الشخصي ولم أرجع إلى أي مرجع ويحتمل أن يكون فيه أخطاء وأتمنى في حالة اكتشاف خطأ التصحيح أو الإضافة لكي تعم الفائدة .. ).

[fasool]

بدايه حلوه و سهله

الله يعطيك العافيه.. خلاص حملت البرنامج

[Evil Angel]

تعقيب على مشاركة , fasool ,الوقت 4/3/2010 - 15:26:

بدايه حلوه و سهله

الله يعطيك العافيه.. خلاص حملت البرنامج

هلا أخوي فصول يشرفني مرورك وانضمامك


وعلى فكرة اللي ماوضحت له الفكرة يحط سؤاله عشان ماننتقل لشيء الا يكون كل شيء واضح للجميع

تحيااااتي

[NASSER]

عسل

اتحمل البرنامج

[MD86]

شرح جميل ومبسط
يعطيك العافية وتم التحميل

[Evil Angel]

تعقيب على مشاركة , NASSER ,الوقت 4/3/2010 - 15:51:

عسل
    
    اتحمل البرنامج

    
    
    

تعقيب على مشاركة , MD86 ,الوقت 4/3/2010 - 15:52:

    شرح جميل ومبسط
    يعطيك العافية وتم التحميل

    
    كذا الواحد يتحمس  مشكورين ويشرفني انضمامكم
    
    77777777
    
    

تجربة كود بدون كود خخخ
	
	
$asd = " أنا ";
$asr = " خخخخ ";

    
    
   ^^^^^^^^^^^^^
    أبو راكان نحتاج ل ltr direction الله لا يهينك

[Dr. Abdulaziz]

الله يعطيك العافية  

بفعل لك أكواد الـ SQL و CODE و PHP في المحرر

لكن لازم أحاول أكسر rtl direction العام للملتقى وأحدده فقط للأكواد فعطني وقت لأني ما توقعت بنستخدمها
لأن IP معقد في هذي الشغلات وأغلب ملفاتهم مخزنة بقواعد البيانات وليست ملفات PHP عامة

[Dr. Abdulaziz]

فعلت لك الأكواد لكن عطني وقت أجبرها على اليسار

موجودة في الجهة اليسرى من المحرر

[Evil Angel]

تعقيب على مشاركة , Dr. Abdulaziz ,الوقت 4/3/2010 - 20:13:

فعلت لك الأكواد لكن عطني وقت أجبرها على اليسار

موجودة في الجهة اليسرى من المحرر

يعطيك العافية يادكتور وآسف على إشغالك

حسب معلوماتي أعتقد ان التاق الوحيد بالنسبة لل html اللي يغير الدايركشن هو :

<bdo dir=&#34;ltr&#34;></bdo>

قلت بالمرة أجرب الكود

إذا بتشغلك يادكتور ممكن نفتح iframe مو مشكلة
يعطيك العافية

[pioneer]

إقتباس

شرح جميل ومبسط
يعطيك العافية وتم التحميل