عدد ردود الموضوع : 18

[fasool]

السلام عليكم و رحمة الله و بركاته

اسعد الله جميع اوقاتكم

موضوعي ما يحتاج مقدمات



هذا الرجل يتملكني الى آخر قطره من دمي و انا اعشق ابداعاته حد الجنون

حبيت تشاركوني التأمل في ابداع هذا البدر

و ان شاء الله بانثر بعض درر ابو خالد على شكل حلقات




اول دره من اوبريت فارس التوحيد

المقطع يحكي قصة خروجة الملك عبدالعزيز و عائلته من المصمك بعد نفيهم من الرياض




تجرح الليل ونزف ضيه على السور العتيق ... والريح حاديها عزف لحن المسافر والطريق

وطيف على المصمك وقف ... زاد الفجر وجهه بياض

تلمس الطين بشغف .. مال ولثم خد الرياض

لو كان يمنع هالفراق

دم على كفوفك يراق

سيلت هالوادي .. وادي حنيفه

خيل مثل دمي شقر .. وسيوف رهيفه

وقف على المصمك وحيد صامت تهزه عبرته ... يودع اطراف الجريد والا معارف مهرته

ناداه صوت من بعيد

حول ترى حنا شديد

ولو كان يمنع هالفراق

دم على كفوفك يراق
            
سيلت هالوادي .. وادي حنيفه

خيل مثل دمي شقر .. وسيوف رهيفه

وداعة الله يالرياض ... وداعة الله يالرياض




ثاني دره ايضاً من اوبريت فارس التوحيد

المقطع يوصف دخول الملك عبدالعزيز مع اعوانه للمصمك في ليلة دخول الرياض


أشباح,,

اجسادهم ارواح

مروا مرور رماح,, من بين البساتين

اطيوف

مدري شعاع سيوف

والا الفجر مخطوف,, من جفن المعادين

وقفوا على الاسوار .. خذوا من الاعمار .. اللي يكفيهم

واللي يرد الدار .. ويكمل المشوار .. و يحقق امانيهم

ادروب

ظلما ووجف قلوب

وفي الموعد المطلوب,, تجمعوا الغياب

انفاس,,

وصوت همس لاباس

في المصمك الحراس,, مافتحوا الابواب

صرخة صداها رعود

من خوخة البارود .. وصلوا اعاديهم

قام و اتبعه فهود..

الحكم لابن سعود .. ثارت عزاويهم

شلفاه,,

لا والله بيمناه,,

هد الحصن واخطاه,, يوم انثنى مذعور

والليث,,

محمد دخل من حيث

شاف المنايا غيث,, جاب الامل والنور

ها الاربعين رجال .. والا صخور جبال

مااكبر هقاويهم

او حظ ها الاجيال .. خلى سراب الآل

نهر بأياديهم




الدره الثالثه

الرسايل



وليله كانت الفرقا

و قالت لي .. ف أمان الله

و ليله ذكرها يبقى

على جرحي .. و لا انساه

و جت تاخذ رسايلها ..

و خصله من جدايلها

و تعطيني جوباتي

بقايا عمر بسماتي

و قالت لي .. ف أمان الله


في ليله كنها الليله عرفتك بسمتي و فجري

و ليله زي ذي الليله و هبتك في الأمل عمري

و يا ليت البسمه ما كانت ولا الاحساس

وياليت الدنيا خانتني و كل الناس

و لا خنتي هواي انتي

و لا قلتي .. ف أمان الله


لا تردين الرسايل ويش اسوي بالورق

و كل معنا للمحبه ذاب فيها و احترق

لو تركتيني في ليله بسمتك عند الرحيل

دمعة العين الكحيله عذرها الواهي دليل

و ليله كانت الفرقا

و قالت لي ف امان الله  




الدره الرابعه

المرايا



كلنا عشاق لكن ..

إنتي لا ما انتي معايا ..

لما تجمعنا الأماكن

تاخذك مني المرايا ..

انتي مشغوله بروحك

ما ملك عقلك وروحك

لا أنا.. ولا سوايا

اعطي ظهرك للمرايا .. وشوفي غيرك

اظهري من ليل كحلك .. ومن أساورك وحريرك

افتحي الشباك مره .. شوفي الناس والشوارع

وش كثر هالغربه مره .. للي وسط الزحمه ضايع

انتي مشغوله بروحك

ما ملك عقلك وروحك

لا أنا.. ولا سوايا

كلنا عشاق لكن

كل واحد له حكايه ..

كلنا عشاق لكن

كلنا نحبك.. نحبك

وأنتي جرحك في ساكن

وأنا جرحي برا قلبك

أمشي لو نصف المسافة .. وقفي بينك وبيني

أكسري كل المرايا .. أنتي أجمل وسط عيني

يا للي مشغولة بروحك

من خذا قلبك وروحك

هو أنا .. و الا سوايا

كلنا عشاق لكن

كل واحد له حكاية



نلتقي في الحلقه الثانيه

[Evil Angel]

السلام عليكــم ورحمـة الله وبركاتــه ،،

إنه "مهندس الكلمة " << والله انها لا توفيه ولو جزء من حقه ..

يعطيك العافية فصول

[fasool]

العفو Evil Angel

شرفني مرورك

[shadowy heart]

الدرر الثالثه والرابعه <وتخيلني انطق الدرررر!>
أعجبتني

أما أنت فعلى طول معجبني

[true]

ويعطيك الف عافية

[Grief City]

[عذب السجايا]

الله الله الله الله الله


ما اعظم شعر هذا الرجل

موضوع جبار ودرر ثمينة جدا

وذائقة شعرية مثلى يا فصوول

ننتظر القادم,,, وعلى قولته صح لسانة ((الوعد باكر ))

ننتظر جديدك


تحياتي

[fasool]

العفو

اشكر تواجدكم و مروركم جميعاً

ترقبوا الحلقه الثانيه

[optimist]

ألف شكر يا FASOOL على الذائقة الفنية الرائعة

إقتباس

هذا الرجل يتملكني الى آخر قطره من دمي و انا اعشق   ابداعاته حد الجنون

والله وأنا بعد

إقتباس

اول دره من اوبريت فارس   التوحيد

يا شيخ هذا ملحمة أسطورية تاريخية

مجرد إنك تقراه تعيش جوه

أوتسمع الأوبريت بتركيز على ألحان أبو نورة شيء فظيييييييييييييع

أما إنك تشاهدة تحس إنك داخل الحدث

هذا  ((مهندس الكلمة)) سبحان من أعطاه هذا الموهبه


والله هذا الأوبريت يكفيه



أكرر شكري لك ولذائقتك

وفي إنتظار الحلقات القادمة خاصة فارس التوحيد

وإذا تبي أساعدك فيها فما عندي مانع

[Evil Angel]

على فكرة ..


لا تنسى توقيعي من حلقاتك